Get all 4 CABB releases available on Bandcamp and save 25%.
Includes unlimited streaming via the free Bandcamp app, plus high-quality downloads of Engel, Freie Kölsche Jeck / Himmelblau, Leckens am Aasch, and Kitsch oder Stuss.
1. |
CABB, - Alarm
03:01
|
|||
UOhoho UohoHoHo
Klein Marie- Krät jeliert
Wat sich all jehüürt - Uuhuhu
Klein Marie - Krät jesaaht
He weed nit laut jelaach! - Uuhuhu
Do hanmer nie jet dröm jejovve!
In jedem Alter jilt bei uns Jecke Alarm
Stonn op, Marie, Alarm!
Winterschlof is lang vürbei
Stonn op, Marie, Alarm!
(Mer)Kölsche danze us der Reih
Stonn op, Marie, Alarm!
Winterschlof is ald lang vürbei
Stonn op, Marie, Alarm!
Mer Kölsche danze us der Reih
UOhoho UohoHoHO
Jroß Marie - kritt jesaaht
jetz weed he jelaach - Hahaahaahaa
Jroß Marie - still un brav
Rööf nit mieh Alaaf - Alaaf laaf laaf
Marie - Mer sin doch freie kölsche Jecke
Mer lieben Stuss un losse die Sau jetz erus...
|
||||
2. |
Engel
03:19
|
|||
Dä Herrjott kom zo uns me’m Engelsheer
Dröm hanmer dr Dom, dr Fc und dr Fasteleer
Mer sin niemols mieh allein
Denn die Engel sin in Kölle doheim
Wie Du in dr Dür steihs
Wie en bekifftes Reh
Om Rügge Flüjelcher
Du küs doch nit vun he?!
Du luurs mich leuchtend aan
Ich froch mich, wat Du bis (Ich bin die Liebe)
Do fällt mir in dat he
Die Heimat dr Engelcher is
Dä Herrjott hät die Welt einmol jebütz
Un dat is janz jenau wo Kölle is
He he he
sin die Engel frei
Un beim Fiere mit dobei … ohoho
Irjendsjet stimmp he nit
Ich spür’t jenau im Kreuz
Do kütt wer hinger Dir
Mit schwazzem Stätz un Schnäuz
Hä strahlt un knutsch Dich af
Dä is e Hölledier! (Ich bin dä Düüvel)
Dann jitt hä e Ründche Kölsch
Un säht teuflisch cool zo mir:
Dä Herrjott hät die Welt einmol jebütz
Un dat is janz jenau wo Kölle is
He he he
sin die Engel frei
Un beim Fiere mit dobei … ohoho
|
||||
3. |
Kölsche Auge
04:21
|
|||
Kölsche Auge
Kölsche Auge, Kölsche Auge....
Du Oos,
wo küs Du dann her?!
Häste'ns einmol op die Uhr jeluhrt
Et is veedel noh 4!
Un ich Doof sitz he un waade
Hür bloß ens op ze schwaade!
Un jetz (Chor Echo Un jetz)
Steihste vür mir (Vür mir) dann UUhhhh
Et Köppche jet schrääch
Janz lasziv in der Düür
Halt bloß ding Stelze bei Dir!
Du kriss mich Brief un Siejel nit eröm...
Ävver - Wenn ich ding
Kölsche Auge sinn
Weiß ich jenau
Dat ich jeliefert bin
Jo - Wenn ich ding
Kölsche Auge sinn
Weiß ich jenau
Du kriss et ald widder hin (mit dinger)
Kölsche Auge, Kölsche Auge
Schwirr aff!
Ich han och minge Stolz
Dat maach ich nit mieh mit
Ich bin us janz haddem Holz
Jojo, wor nur e Tänzje
Me’m leeve Mensjers Hänsje
Is klor:
mieh wor do nit
Ah su, e janz klei Bützje
Beim Wiejeschritt
Ich will ja nix mieh wisse
Du Freese, stief jedrisse
(Du fälls jo ald im Sitze öm)
Ävver - Wenn ich ding....
|
||||
4. |
Puddelrüh
04:17
|
|||
Luurs op de Stroß, die lange Bein
Dat möht se sin, dat wor die Ein allein
Du kunns et nie verstonn
Et moht doch wigger jonn
Häs keine Plan, wohin et jeiht
Sühß dat Plakat, op däm FREIHEIT steiht
Denks aan die eine Naach
Un fängs ze singe aan
Ohoho....
Kumm, mer danze Puddelrüh üvver’t Daach
Mit der bläcke Fott – danze die janze Naach
Kumm mer danze Puddelrüh üvver’t Daach
Kumm mer danze, danze, danze...
Läufs op de Stroß, su alt vertraut
Du sühß se nit mieh, un Du rööfs janz laut
Passante runzele de Steen
„Dä muss doch irre sin“
Bis aan die Eck un dann zorück
Driehs Dich eröm, un du betts öm Jlöck
Wie dann die Düür opjeiht
Un se vür Dir steiht
Ohoho....
Dä eetzte Kuss – ne heiße Schock
Ihr rennt erop bis op der 11te Stock
Dir weed die Luff ald eng
Dir weed die Luff ald eng
Dir weed die Luff ald eng – doch...
Se trick Dich aan de Häng
Ohoho....
|
||||
5. |
Krulleköppche
03:26
|
|||
Lang un jlatt sin se modään
Lang un jlatt süüht mer se jäähn
Sujar met e ner heiße Zang
deiht mer Höörcher Zwang - aan
Die Löckcher stonn Dir doch esu jot
Janix platt, eetz rääch nit koot
Ooh Krulle heiße die für mich
se repräsentiere Dich - mi sößes
Krulleköppche! - Du mähß mich jeck!
Krulleköppche! - janz hin un weg
Krulleköppche! - Du häs mi Hätzje
- BummBumm -
1 - im Jepäck - mi lecker / jo jo jo
2 - Ich singe nur noch Dubibubiduu
Määhs Du Ding Frisürche chic
Stonn ming Höörcher aam Jenick
Uun Ding Bützjer
kriste all dubbelt zurück
Krulleköppche! ...
Schätzje, sing mer e Krätzje
Mich jöck et üvverall
Schätzje, sigg däm letzte Krätzje
Do joov et e üvvermäßig Intervall
Vun däm Löckcher-Chromosom
Stonn ich kribbelig unger Strom
Jooo...Krulle maache mich esu...
Dubibubiduu
Jooo jooo joooo.....
|
||||
6. |
Egal wo ich wor
03:51
|
|||
Dä Aahl vum Bahnhoffsplatz
wor op dr janzen Welt
Ich hür em jähn jet zo
Weil hä su löstisch verzällt
Hä dräump noch off vum Meer
hä wünsch sich janz wigg fott:
Ach, ich mööch noh Panama
Odder nohm leeve Jott
Doch denk ich aan Kölle
janz iehrlich un klor:
Et is nirjends schöner
Nirjendswo schöner
Ejal wo ich wor
Jeannette, die flinke Schnüss
en staatse Stewardess
Se flüsch noch immer jään
och wenn se Nippes vermiss
Se schriev jrad vum Hotel
Midden in Istambul:
Mich määht die Hitz verdötsch
Ich bin der halve Daach im Pool
Doch denk ich aan Kölle....
Ejal wo ich wor
Jeannette, die flinke Schnüss
is Üvversetzerin
Se maach der Job janz jään
Mööht se nit üvverall hin
Se schriev jrad vum Kongress
Midden in Istambul:
Die Hitz schlööt op mi Hätz
Ich halt et nur noch us im Pool
|
||||
7. |
Jommer ein rauche
03:15
|
|||
Jommer ein rauche (ca. 132-134)
Küsste met aan die frische Luff?
Jommer ein rauche!
Et Kölsch
schmeck nit mieh su joot
Dä Weet
kütt alt lang zo koot
Denn die mie-
tzte Lück stonn vür der Düür
Un dat es
ze laut - jlich kütt die Schmier
Küsste met aan die frische Luff?
Jommer ein rauche!
Häste Luss op ne herbe Duff?
Jommer ein rauche!
Ich han
et jetz sechs Moond versooht
sigg drei
Daach brech ich dat Verbot
Weil ming
Möhn reiz mich bis op et Bloot
Se hätt nämmich
me'm Rauche opjehoot
Küsste met aan die frische Luff?
Jommer ein rauche!
Häste Luss op ne herbe Duff?
Jommer ein rauche!
Dat erdraach ich nit ens im Suff
Janit zo rauche
Un däht et Häätz mer och nit mieh esu wieh
Dofür hatt ich der Zidder in der Knie
Wor’n ming afjekäute Fingernäjel
lang nit mieh su jääl,
zem Ausjleich driehte sich bei Vollmond dann
ming Auge schääl
Ich han
jlasklor in mingem Kopp
wie bes Du dann drop?
Der FC
drieht dies Johr richtig op
Du bes jo beklopp
Dä Modeste
ballert wie ne Knarre
jo jo, wenn mer beim Training stonn
Dann schmieß ich
he en Rund dicke Zijarre
do mööhter noh drusse jonn
Küsste met aan die frische Luff?
Jommer ein rauche!
Jommer ein!
Häste Luss op ne herbe Duff?
Jommer ein rauche!
Jommer ein!
Meinste och et stink in der Stuff
Jommer ein rauche!
Jommer ein!
Et is ne Mief he bahl wie im Puff - Kumm…
Jommer ein rauche!
De Nichtraucher sin jo nit tolerant
Näää - Dat is alt lang bekannt.
Mer sin esu janz ärme Düüvele doheim in unserem piefije Land,
un doröm is eins klor:
Jooo - Ich weed Zerette-Asylant
Jommer ein rauche.
|
||||
8. |
EYO
03:56
|
|||
Frankreich wor schön, su bequem
Cote D’azur un vill Kultür
Drei Woche Strand, usjespannt
Bezzje Heimwieh nur
Su jään ich im Urlaub bin
Su schön wie och die Berg un Welle sin
Ich freu mich ald wie jeck op Kölle, op doheim
Eyo Eyo Eyo
Ich freu mich op doheim
Eyo Eyo Eyo
Ich freu mich op doheim
Op die Fijure,
die Stadt, die Sproch
dä janze Stuss
Ich bin zo Hus
Schon op der A4 sin mir
Jetz is et nit mieh wigg
Hinger der Kurv kütt dat Bild:
Janz Kölle, wat ne Blick
Su jään ich im Urlaub bin
Su schön wie och die Berg un Welle sin
Ich freu mich ald wie jeck op Kölle, op doheim
Eyo Eyo Eyo....
|
Streaming and Download help
If you like CABB, you may also like:
Bandcamp Daily your guide to the world of Bandcamp