Get all 4 CABB releases available on Bandcamp and save 25%.
Includes unlimited streaming via the free Bandcamp app, plus high-quality downloads of Engel, Freie Kölsche Jeck / Himmelblau, Leckens am Aasch, and Kitsch oder Stuss.
1. |
Weiß Du noch
04:08
|
|||
Weiß Du noch
Hück han ich vill ze lang jeschloofe
Han nix jehoot, nix jesinn
Mer weede schleeßlich jo nit jünger
Su’n Naach kritt mer nit immer hin
Zom Jlöck häs Du dann aanjeroofe un saahts
Loss jöcke, ich bin jlich bei Dir
Ich wullt jo vür der Kiss setze blieve
Bes Du saahts, kumm drinke mer e Bier
Weiß Du noch
domols Naahts öm halver drei
Keine Penning in der Täsch
Mer hatten nur uns zwei
Die Kneip wor rappelvoll
Die Lückcher raderdoll
Jenau wie hück
Mädche, zeig mer Dinge Rock n Roll ...wie
Du kohms un däähts mich eetz ens knutsche
Do kräät ich Kribbelcher im Buch
Ich daach, ich kräät Dich, he ze blieve
Dat wör für mich hück längs jenooch
Doch Du saahts: Nix, ich will jetz rus jonn
Mer fällt die Deck he op der Kopp
Un alles wat Ding Fantasie deit meine
Dat kriste später ovven drop!
|
||||
2. |
Fisimatente Marie
04:50
|
|||
Fisimatente-Marie
Häste och jehoot,
dat dä Heinz jetz nur noch suffe deit
dat dä alt öm fünnef Uhr
kei einzig Woot mieh versteiht
Jetz hänk hä hingen in der Eck
Wo all die Föön-Fijure stonn
Hey, dummer ne Jefalle, süühst Du dat?
Muss dat dann immer su jonn
Luur do, wie mi Marie
Däm Matthes schöne Auge määht
Sigg wann jit dat dann jet do dröm
Wat die widderlije Plackvissel sääht?!
Jlich jiddet op die Zwölf
Wenn dä et noch ens su aanfass
Un it schleif ich he erus
Jung, do verstonn ich keine Spass – et jitt jetz Brass
Maach mer kein Fisimatente
Marie, loss die andre Junge schwaade
Kein Fisimatente
Marie, loss die andre Junge jonn
Maach mer kein Fisimatente
Marie, loss die andre Junge waade
Kein Fisimatente
Marie, loss die andre Junge stonn
Luhr do, dä Föttchesföhler
Wie dä ihr jrins in et Jeseech
Dä hät jlich nit nur die Lamp aan
Sondern ratzfatz et iewije Leech
Hürens zo, du Fijur, du häs wohl allzo
lang nimmieh us Dingem eijene Jips jejrins
Marie, is et baahl joot?!
Et jitt he jlich jet ümmesünz – un dat es kein Flönz!
|
||||
3. |
E kölsch Leed
04:06
|
|||
E kölsch Leed (he sin mer jeboore)
Luur Dich ens öm en Kölle
Wat is dat nur für’n Stadt?!
Dunn alle, wat se welle
Vum Paster bis zur Kraad
Bruch keiner sich verstecke
Ejal mit wievill Jeld
Mer sin jo all nur Jecke
Met denne mer singk un verzällt
He sin mer jeboore
Stolz un iewig frei
Mer han et Hätz verloore
Aan Kölle – Dir blieve mer treu
Mer sin kein jroße Kriejer
Vielleich noch mit der Schnüss
Dröm simmer immer Siejer
Ejal, wer jrad mächtig is
Franzuse, Römer, Brunge
Mit Füer un mit Stahl
Üch hammer jet jesunge
Ihr wohrt uns drissejal
Doch wer meint Kraach ze mache
Un jeifert Hass un Raasch
Hät bei uns nix ze laache
Dä tredde mer in der Aasch
He sin mer jeboore…
Wat määht ene Kölsche jlöcklich
Mer bruche janit vill
E Bützje, Kölsch un Öllisch
Und dä FC… jewinnt et Spill
JOOOOHHHHHHHH
He sin mer jeboore
Stolz un iewig frei
Mer han et Hätz verloore
Aan Kölle – Dir blieve mer treu
2000 Johr die Quelle
jenährt vun Freud un Ping
Mer losse uns nix verzälle
Mer Jecke vun Kölle am Rhing
|
||||
4. |
EYO
04:25
|
|||
Eyo
Frankreich wor schön, su bequem
Cote D’azur un vill Kultür
Drei Woche Strand, usjespannt
Bezzje Heimwieh nur
Su jään ich im Urlaub bin
Su schön wie och die Berg un Welle sin
Ich freu mich ald wie jeck op Kölle, op doheim
Eyo Eyo Eyo
Ich freu mich op doheim
Eyo Eyo Eyo
Ich freu mich op doheim
Op die Fijure,
die Stadt, die Sproch
dä janze Stuss
Ich bin zo Hus
Schon op der A4 sin mir
Jetz is et nit mieh wigg
Hinger der Kurv kütt dat Bild:
Janz Kölle, wat ne Blick
Su jään ich im Urlaub bin
Su schön wie och die Berg un Welle sin
Ich freu mich ald wie jeck op Kölle, op doheim
Eyo Eyo Eyo....
|
||||
5. |
Mütterche
05:24
|
|||
Mütterche
Du wors Enerjie, kleine Wibbelstätz
Su schnell kunnt mer manchmol kaum luure
Hats immer ne fröhliche Klang im Hätz
Un dääts selten lang jet beduure
No vürre jesinn un et Bess drus jemaaht
Immer neujierig, middenmangs dobei
Häs am leevste e löstijes Schnüssje jeschwaat
Un alle Jram wor dann janz flöck vürbei
Uns Mamm – wat hatt mer mit Dir e Jlöck!
Dat weed uns die Tröncher verjaare
Mer dunn suwiesu Dinge zärtliche Blick
für alle Zigg deef in uns draare
Häs nur drop jeaach, dat et uns joot jonn däät
Hats immer e Ührche, Du kunnts waade
Saahts dat jede Minsch in sich jet Joodes drääht
Selfs de biestigste Klaafmüül un Kraade
Unse Bap un mer Drei han Dich of Kraf jekoss
Do dääht im Jebälk et ens kraache
Wor nit alles friedlich, wor janz schön jet loss
Doch mit Dir kunnt mer immer widder laache
Uns Mamm – wat hatt mer mit Dir e Jlöck...
Vun Dir dääte mer liere, loss immer et Sünnche erin
Su arglos wie Dich han mer süns keine Minsch mieh jesinn
Jetz biste flöck üvver die Brück
Häs Dich janz heimlich verdrück – mer woote baahl verrück
Doch eins hanmer die Daach alt janz off jesaaht:
Dat.... Dat häste jot jemaht
Solo
Uns Mamm – wat hatt mer mit Dir e Jlöck!
Dat weed uns die Tröncher verjaare
Mer dunn suwiesu Dinge zärtliche Blick
für alle Zigg deef in uns draare
Vun Dir dääte mer liere, loss immer et Sünnche erin
Su arglos wie Dich han mer süns keine Minsch mieh jesinn
Du wees für uns allzigg janz jroß
Un uns wunderbar liebevoll Mütterche sin
uns fröhliches wunderbar liebevoll
Mütterche sin
|
||||
6. |
Die Schneekönigin
04:00
|
|||
7. |
Du bis noch doh
04:25
|
|||
Du bes noch do
Nohm Himmel luur ich rop – Wolkespill
Will mich einfach drieve losse - Et is widder do
Maach Finster un Düüre op – un et schingk
Als wör’n et Bilderrahme nur - Et is widder do
Ich luure in der Speejel – süüch dir dä Typ aan
Do steiht doch janz klor - einer Nevven mir
Un et kütt widder aan
Un widder aan
Et kütt widder aan
Du bes noch do
Üvverall
Üvverall
Bes du noch do
Du bes noch do
Üvverall
Üvverall
Bes du noch do
Ich lausche noh däm Klang - vun Trumme
Un Jecke in der Stroß - Et is alt widder do
Ich hüür mi Hätzje schlage
Will ich he blieve oder rus
Su mööd, bin ich ne aahle Mann?
Die Hoffnung verschütt
Die Trone verdrüsch
Die Woot ussjelösch
Doch dat eine Jefööhl
Lieht mich nit loss
|
||||
8. |
1000 Jecke
04:17
|
|||
1000 Jecke
Et is ieskalt
Die Naach wor koot
Du häs im Schloof
Ne Brüll jehoot
Se kummen
stramm de Strooß eraff
Wör doch jelaach
Du hätts et jetz nit
in’t Kostüm jeschaff Stonn op!
Hüürst Du nit
Dat 1000 Jecke kumme
Ohoho
Met Fanfare
Un decke Trumme
Hüürst Du nit
Dat 1000 Jecke kumme
Ohoho
Met Fanfare
Un decke Trumme
Se falle üvver
de Weetschaff her
Drinken alle
Reserve leer
Hätt einer kei Jeld
Dat is drissejal
Weed schon einer sinn
Met enem Hätz
He em Saal Un üvverall!
Hüürst Du nit...
Bes du ne Kölsche
Versööks ens ze fliehe Wat sull dann dä Quatsch? Wo willst Du dann hin?
Dann jöck et dich wund
Bes in de Ziehe Dat häste jetz dovun!
Oho du küs widder
Küs immer widder
No heim Loss jonn!
Hüürst Du nit...
|
||||
9. |
Kitsch oder Stuss
04:58
|
|||
Kitsch oder Stuss
Normal kann ich joot schwaade
Kann bloß nit su joot waade
Un denk ich an Dich
Dann üvverfällt et mich
Kann nur op ein Jleis schwenke
Kann nur an ein Saach denke
Un wie verhex
Verjess sujar der Text
Randvoll bis ovven hin
Met su ner Freud in jedem Sinn
Is mer scheißejal ob ich ene Liebeskaspar bin
Dat et su ne Minsch wie Dich
Eines Daachs ens jitt für mich
Hätt ich niemols im Lääve jedach
Niemols im Lääve
Nenn et Kitsch oder och Stuss
Wat ich föhl im Üvverfluss
Dat muss erus, dat muss zo Dir erus
Kitsch oder Stuss
Wenn im Heens et nur noch klackert
Sin de Jrübcher fest jetackert
Ich maach jarnix draan
Debil jrins ich Dich aan
Su schön wie aanzesinn
Bes Du och im Hätzje drin
Un wenn Du lachs, do mäht dat
Dat ich jlücklich bin.
Wenn wer sääht: Die Melodie
Is banal, jekläut, un wie!
Is mer scheißejal, ich freu mich wie noch nie!
Dat et su ne Minsch wie Dich
Eines Daachs ens jitt für mich
Hätt ich niemols im Lääve jedach
Niemols im Lääve
Nenn et Kitsch oder och Stuss
Wat ich föhl im Üvverfluss
Dat muss erus, dat muss zo Dir erus
Kitsch oder Stuss (Harp Solo)
|
||||
10. |
Alaaf
04:30
|
|||
Alaaf
Jo klor, unse urkölsche Stammbaum
Is exemplarisch
Mer sin su ne jelungene Mix
Adelig proletarisch
Et weed jefiert, bis dä Arzt kütt
Drink us, et jeiht noch mieh drin
(Mr sin) Aan de Uhre jrön, süns rut-wieß-blau
FC-Fans bis in’t Jrav erin
un ich denke off: es dat all wat mr welle
Fööööhlt sich aan ---- wie zojlich Himmel un Hölle
Doch ich kann janit anders: widder middendrin he in Kölle
Alaaaaaaaaf
Dreimol Kölle alaaf
Alaaaf laaaf laaf
Dat singe mer iewisch
Alaaaaaaaaf
Dreimol Kölle alaaf
Alaaaf laaaf laaf
Klor is, he bliev ich
Mer maachen jroßzüjisch Urlaub
Dat heiß Kultur-Export
Kümmern uns och öm andere Minsche:
Sangria un Matratzensport
Mer singen nix ohne Weihrauch:
Nä, wat simmer tolerant
Vill mieh saare mr jarnit dozo
Ignoranz is uns unbekannt
Alaaaaaaaaf
Dreimol Kölle alaaf
Alaaaf laaaf laaf
Dat singe mer iewisch
Un dann singk do einer Leed
Vun däm Aahl, dä vür der Weedschaftsdüür röm steiht
Mit em jelaach, jedrunke un jesunge weed
Un dann denk ich off: dat is doch wat mr welle
Föhlt sich aan wie e Betzje mieh Himmel als Hölle
Un ich will janit anders: widder middendrin he in Kölle
Alaaaaaaaaf
Dreimol Kölle alaaf
Alaaaf laaaf laaf
Dat singe mer iewisch
Alaaaaaaaaf
Dreimol Kölle alaaf
Alaaaf laaaf laaf
Klor is, he bliev ich
Alaaaaaaaaf
Dreimol Kölle alaaf
Alaaaf laaaf laaf
Dat singe mer iewisch
Alaaaaaaaaf
Dreimol Kölle alaaf
Alaaaf laaaf laaf
…un manches Mol üvverdriev ich
(Evtl dann Break und wieder im Ref ansetzen.)
|
||||
11. |
Denk ens draan
06:08
|
|||
Denk ens draan
He wor domols e Feld
Do stund kei einzig Huus
Wenn dä Pap durch uns Veedel läuf
Kennt hä sich kaum noch us
Nur die ahl Kirch un de Schull
Sin noch jenau esu, wie et sin sull
Wer hätt mich dann jetz jejrööß?
Dä hann ich jarnit jekannt
Ich ben ens widder üvverschall
Un schääl eröm jerannt
Kein Zigg bei all der Hetz
Für et Nohbarschafs-Jeschwätz
Denk ens draan
Wat de Mamm saage däät
Wie einfach et jeiht
Dat mer sich joot verdrääht
Denk ens draan
Wat de Mamm saage däät
Vür allem wenn Dir
Et Lääve Kummer määht
Denk ens draan
Wenn Dich kei Minsch versteiht
Wat de Mamm Dir sage däät:
Wie leich e Lächelche jeiht
He aan der Eck
Hatte mer ens e Beet
Wo de Omma
Et Jemöös un et Obs aanbaue däät
Dä Oppa krääht jo nit vill Jeld
Un hät nur av un zo vum Kreech verzällt
Weiß Du, wer do wunne dät?
Dä Pap vun der ahl Frau Will
Dä hatt he noch e Böötche
(Hä) wor dä letzte Fischer vun Neehl
Die Jass leef off dä schääle Chres / elans
Dä ärme Düüvel wood jezänk vun jedem Panz (och vun mir)
Denk immer draan
Wat de Mamm Dir saage däät....
..........................................................................................................Wie leich e Lächelche jeiht!
|
Streaming and Download help
If you like CABB, you may also like:
Bandcamp Daily your guide to the world of Bandcamp